Shtohet numri i vajzave që kërkojnë ndërhyrje në trupin e tyre. Bel i hollë e fundshpinë tërheqëse, këto janë dy nga trendet për të cilat kohët e fundit kërkohet ndërhyrje plastike. Por sipas kirurgut plastik Panajot Papa, nuk mbeten prapa as kërkesat për operacion të hundës, zmadhim të gjoksit si dhe fryrje të buzëve.
Panajot Papa, kirurg plastik tha se: “Në Shqipëri të gjithë kërkojnë operacion të hundës. Dhe pa patur probleme thonë dua të bëj hundën se e pashë në Instagram. Por ajo është hunda e dikujt tjetër, me një baba dhe mama tjetër. Kush nuk ka probleme nuk duhet të bëjë operacione. Nuk duhet të bëhet operacion të gjoksit i shtyrë nga dikush, se kemi pasur raste që i ka shtyrë i dashuri. Nëse një femër ka ndërmend të bëj një lindje të mos e bëj operacionin, por duhet ta bëj pas lindjes. Pas modifikohet trupi. Gjërat e ekzagjeruara kthehen kundër dhe te pacienti dhe te mjeku”.
Mjeku u bën apel vajzave që para së ti nënshtrohen një ndërhyrje apo injektimi në trup duhet të marrin informacionin e duhur dhe të mos shkojnë nëpër qendra estetike.