Deputeti i PD-së së grupit të Bashës, Enkelejd Alibeaj, është i vetmi përfaqësues nga radhët e opozitës në mbledhjen e Këshillit të Mandateve, pyeti prokurorin e SPAK-ut Arben Kraja se pse nuk u veprua njëlloj si me Saimir Tahirin në 2017. Nga ana e tij, Kraja tha se janë të bindur për kërkesën e tyre dhe i qëndrojnë deri në fund pasi kanë vepruar në bazë të ligjit.
”Kemi vepruar bazuar në legjislacionin në fuqi. Kemi paraqitur atë kërkesë që na ka miratuar edhe gjykata. Jemi të bindur dhe i qëndrojmë kësaj deri në fund. Kur një deputeti duhet ti caktohet masa e arrestit, burg ose shtëpi, prokurori kërkon autorizim. Gjithë debati është se çfarë do të thotë heqje lirie. Heqje lirie nuk është kufizim. Kufizimi më i ngushtë.
Lexo edhe :
Related Posts
Një nga masat shtrënguese që parashikohet është shtrimi i përkohshëm në spital psikiatrik. Nëse ne vijmë me kërkesë për arrest dhe Kuvendi nuk e miraton. Masat e tjera janë ato që ju thash unë. Në atë kohë prokuroria ka kërkuar arrest në burg apo kontrolle. Gjithë debati zhvillohet mbasi janë bërë ndryshimet kushtetuese për kufizimin e imunitetit. Ne nuk kemi vendimmarrje të Gjykatës Kushtetuese për të pezulluar kërkesën”,-tha Kraja.