Sot pritej të mbahej seanca për inceneratorin e Elbasanit, por është shtyrë. Shkak për këtë është bërë fakti që nuk kishte marrë dijeni e pandehura Jonida Zeqo. Sipas informacioneve raportohet se seanca e radhës pritet të mbahet me datë 20 Prill në orën 09:00.
Seanca e fundit ka qenë seanca e parë, por ajo u shty se avokatët mbrojtjes të Etleva Kondit, një nga personat e marrë të pendehur me akuzën e shpërdorimit të detyrës dhe korrupsionit nuk ishin të pranishëm dhe për këtë gjykata e shtyu seancën për sot.
Në të njëjtën kohë, gjykata i kërkoi prokurorisë të merrte informacion për 3 personat e shpallur në kërkim, Klodian Zoto, Mirel Mertiri dhe Stela Gugalla, tre administratorët e inceneratorit të Elbasanit.
Prokuroria ka kërkuar që të merret informacion nga Interpol Tirana, nëse këto shtetas janë ndaluar në ndonjë vend tjetër dhe më pas t’i përcjellin informacion Gjykatës së Posacme në lidhje me fazën që ata ndodhen.