Është shtyrë gjyqi i radhës për dosjen “Partizani” me të pandehur Sali Berishën, Jamarbër Malltezin dhe tre të tjerë në GJKKO.
Seanca u shty për shkak se të pandehurit kërkuan pavlefshmëri të të gjitha akteve të kryera nga SPAK, përfshirë edhe procesverbalet për sekuestrimin e sendeve nga studioja ligjore Pustina.
Vetë ish-kryeministri Berisha nuk është paraqitur në seancë, ndërsa u shqyrtuan kërkesa e të gjithë të pandehurve për pavlefshmëri të akteve dhe papërdorshmëri të provave. Kjo kërkesë e të pandehurve u kundershtua nga prokurori i SPAK, Arben Kraja, përmes një materiali 25 faqesh.
“Sa i takon pretendimeve për gjyqtarët është shprehur Gjykata Kushtetuese, për shpërdorimin e detyrës për të pandehurin Berisha, i kujtoj mbrojtjes Institutin e parashkrimit, regjistrimi kallëzimit penal ne te njejten dite qe eshte dorezuar nuk perben shkak per pavlefshmeri, kur ka elemente prokurori e regjistron. Arben Kraja: s’ka shkelje per ekzekutimin e masave te sigurise, sa i takon akteve te ekspertimit qe pretendohet se jane kryer nga eksperte te paregjistruar nuk qendron pasi jo domosdoshmerisht duhet te jete ne regjistrin elektronik dhe privat, kemi ekspertet tone te policise dhe institucioneve te tjera, asnje nga pretendimet e ngritura nuk çon ne pavlefshmeri. Kërkojmë rrëzimin e të gjithë kerkesave si te pa mbeshtetura ne ligj dhe prova.” u shpreh prokurori i SPAK, Kraja.
Gjykata vendosi të shtyjë seancën për të marrë kohë për t’u shprehur me vendim mbi pretendimet e paraqitura nga avokatët e të pandehurve. Seanca e radhës është parashikuar të mbahet më 27 tetor, në orën 13:00.