Publicisti i njohur Gjergj Marku publikoi sonte lajmin e hidhur të ndarjes nga jeta të një prej gazetarëve të njohur të trevës së Mirditës, Preng Baloj. Gazetari Marku e përshkruan me “nota” prekëse rrugën e gjatë të Balojt, duke përmendur arritjet e tij në fushën e medias.
Postimi i Markut:
Ka ndërruar jetë Preng Baloj, gazetar i njohur i Mirditës e më gjërë për disa dekada. Një nga reportazhistët e kudogjendur, gazetar terreni i spikatur nga plejada e parë e gazetarëve të Mirditës (vitet ’70-te), për disa gazeta qëndrore, kryesisht Bashkimi por dhe gazeta të tjera ku dallohej për gjetjet publicistike dhe “skalitjen” e detajeve në çdo shkrim.
Pos si mesues i talentuar për shume vite në shkollat e Mirditës, për disa kohë e kemi patur bashkëpunetor frekuent në gazetën Mirdita të para ’90-s ku spikaste për udhëpërshkrimet, reportazhet, profilet, skicat dhe esse-të, ndërkohë që në gazetën Mirdita të viteve 2000 e kemi pas dhe në kolegjiumin e redaksisë, një nga bashkëpunëtorët me energjikë dhe prodhimtarë. Më pas në Lezhë është nga puneëtorët e mirë të penës publiçistike, por dhe librit, kryesisht atij monografik. Ai iku duke lënë pas një vëllim pune të pasur në publiçistikë, që do u shërbejë brezave të gazetarëve në rajon e më gjërë.
U prehsh në Paqen e Zotit, koleg i mik i mirë!)