Para një operacioni të gjithë kanë frikë. Është një proces nga i cili nuk dihet se si trupi mund të reagojë edhe pse mund të jeni në duart e ekspertëve më të mirë.
Por me siguri që nuk e keni ditur ndikimin që muzika ka tek pacienti që po i nënshtrohet operacionit.
Nëse dëgjon muzikë para një operacioni, mund të krahasohet njëlloj më efektet e qetësimit të nervave të një pacienti i cili është gati për ndërhyrje.
Ekspertët amerikanë kanë treguar se kënga e shkruar për të reduktuar ankthin, mund të veprojë si qetësues. Një gjë e tillë është provuar tek 157 njerëz të përfshirë në një studim.
Pacientët janë shprehur se do kishin pasur dëshirë që ta zgjidhnin vetë këngën.
Mirëpo, tashmë studiuesit e universitetit të Pensilvanisë, duan të testojnë në qoftë se lloji i muzikës dhe mënyra se si luhet ajo tek pacientët, bën diferencën tek rezultatet apo jo.
Pacientët të cilët ishin përfshirë në studim, morën ilaçin midazolam ose dëgjuan një këngë nga grupi britanik Marconi Union për tre minuta, teksa bënin anestezi lokale në një pjesë të caktuar të trupit.
Ankthi, u reduktua në të njëjtën masë, tek të dyja grupet. Ilaçet të cilat janë të afta të reduktojnë ankthin mund të kenë efekte anësore. Muzika, është e padëmshme dhe aspak e kushtueshme.
Edhe në studime të tjera të realizuara, është vënë në dukje se dëgjimi i muzikës së preferuar gjatë përditshmërisë, ndihmon në uljen e nivelit të stresit