Ka kaluar më pak se një vit nga koha kur Gigi Hadid dhe Zayn Malik u bënë prindër për herë të parë. Megjithatë ata kanë një vizion shumë të qartë se si dëshirojnë ta rrisin vogëlushen e tyre, Khai-n, duke përfshirë edhe mësimet për origjinën e saj.
“Ne mendojmë shumë dhe flasim shumë për këtë gjë si prindër dhe është diçka që është shumë e rëndësishme për ne, por është gjithashtu diçka që ne e kemi përjetuar për herë të parë vetë. Sepse të dy prindërit tanë kanë origjinën e tyre. Ne jemi brezi i parë i atyre me racë të përzier dhe ne kemi përjetuar eksperiencat e para. Kjo nuk është diçka që prindërit e mi e kanë përjetuar ose që mund të ndihmojnë mua për ta kaluar. Është diçka për të cilën unë kam menduar gjatë gjithë jetës sime”, është shprehur Gigi në një intervistë të dhënë së fundmi.
Ajo ka shtuar se e vogla e tyre, Khai do të rritet si të dëshirojë ajo vetë dhe të vendosë nëse do të jetë një urë lidhëse për etnitë e saj.
Ndër të tjera modelja ka folur edhe për shtatzëninë e saj të parë, të cilën e ka konsideruar disi të çuditshme.
“Shumë e çuditshme. Ishte shumë e çuditshme gjatë muajit të modës, kur u sëmura në fshehtësi në punë, por nuk mund të marrësh një ditë pushim gjatë muajit të modës. Thjesht duhej të hiqesha sikur nuk po ndodhte asgjë. Ose kishim një ditëlindje dhe dikush më ofroi një pije dhe unë i thashë ‘Oh, nuk do të pi këtë muaj’ ose ndonjë gjë tjetër. Dhe teksa të gjithë filluan të deheshin, unë dola jashtë”, ka treguar Gigi.