Përgatitja: 40 min – Pjekja: 50 min – Sasia: 5 Persona Persona
Buka me miell gruri e përgatitur në shtëpi ka një shije të veçantë dhe është shumë e shijshme. Sidomos kur del e ngrohtë nga furra. Përgatitja e bukës në shtëpi nuk kërkon shumë mundin, por brumi ka nevojë për kohen ë vet.
Përbërësit për Bukë miell gruri e bërë në shtëpi
1 kg miell gruri
700 mL ujë
1 gotë kos i bardhë
1 lugë mjaltë
pak kripë
Përgatitja e majasë për bukën
Përgatitja e majasë në shtëpi bëhet një ditë para se të gatuajmë bukën. Kjo lloj mënyre është më e shëndetshme sesa produktet kimik që shiten ne treg. Duhet të kujtohemi që këtë proces ta kryejmë më parë dhe rezultati i bukës në shtëpi është fantastik pa asnjë lloj agjenti kimik.
Në një enë hedhim një gotë kos, mjaltin dhe një gotë miell. E trazojmë mirë dhe sipër e mbulojmë me miell. Enën e mbulojmë dhe e lemë në një temperaturë 30 gradë C. Duhet të bëjmë kujdes pasi ena duhet të jetë e madhe se brumi dyfishohet.
Përgatitja e bukës me miell gruri
Hedhim miellin në një enë të thellë, majanë që përgatitëm një ditë më parë, ujin, kripën dhe e trazojmë për gati dhjetë minuta. Brumi duhet të marrë një strukture homogjene. Mund të jetë e nevojshme ta punojmë edhe për disa minuta të tjera. Më pas e mbulojmë dhe e lemë në furrë të sobës për një orë.
Pasi brumi është dyfishuar, e marrim enën dhe e punojmë brumin për gati një minutë. I vëmë kapakun përsëri enës dhe e lemë për 15 minuta.
Pas 15 minutash, e marrim brumin dhe i japim formën e tavës ku do ta pjekim. Me pas e vendosim në tavën e pjekjes të lyer me vaj.
Tavën e futim në furrë dhe e lemë derisa brumi të dy ose trefishohet.
Pasi e shikojmë që brumi ka ardhur, e pjekim në furrë të nxehur për 30 minuta në temperaturën 200 gradë.
Buka miell gruri është gati. Fikim sobën dhe bukën e lemë brenda edhe 20 minuta që të kullojë mirë.
Karbohidratet janë të domosdoshme për trupin e njeriut. Gruri i përmban këto me shumicë.
Buka për shqiptarët ka qanë përherë e pranishme në tavolinat e tyre.
Mund ta shërbejmë bukën të ngrohtë ose mund ta ruajmë një një vend të thatë për dy tre dite./arti i gatimit/