Banorët e Matit janë bërë sot dëshmitarë të një sjellje të çuditshme të ambjentalistit Sazan Guri. Prej kohësh shëtit nga një mal në tjetrin duke deklaruar dashurinë për pyjet, ujin, kullotat, lulet, peshqit, etj.
Sakaq sot tregoi urrejtje për njerëzit, për jetën e tyre. Ai u pa nga banorët e Burrelit me një arkivol në krah, teksa tentonte godinën e Bashkisë Mat.
Kjo ishte një sjellje shumë e rëndë e “mjedisorit” Guri. Burreli gjatë trazirave të vitit 1997 përcolli për në banesën e fundit plot 150 njerëz, me arkivolë të tillë. Dhe, e gjitha ndodhi për shkak të çmendurisë së regjimit Berisha.
T’u tregosh qytetarëve shqiptarë, sidomos atyre matjanë, arkivolë, t’u tregosh vdekjen, është antinjerëzore, antiqytetare, antihumane.
Unë do t’i kërkoja publikisht Sazan Gurit të reagojë menjëherë dhe t’u kërkojë ndjesë qytetarëve të Matit për veprimin e tij të paparanueshëm. / Hasan Pasha, Kryetar i PS-së Mat
