Gjykata e Tiranës ka lënë në burg 42-vjeçarin Altin Morina, shef i Stërvitjes Ushtarake në repartin e RENEA-s, i cili u kap me 113 mijë euro në automjetin e tij.
Në seancën gjyqësore, ku u njoh me masën e sigurisë, Morina ka deklaruar se paratë e gjetura në makinën e tij i kishte marrë “nga një biznesmen 30 minuta para arrestimit, dhe jo nga krimi”.
“Jam i gatshëm të bashkëpunoj me organin e akuzës për të identifikuar biznesmenin. Arsyet janë familjare personale për paratë. Nuk kam pasur njeri tjetër në makinë. Do shkoja në shtëpi. Kam problemet e mia”, mësohet të ketë thënë Morina.
42-vjeçari u arrestua disa ditë më parë teksa po lëvizte me një automjet tip Audi në zonën e Kodrës së Diellit. Gjithashtu iu gjetën dhe sekuestruan bashkë me eurot edhe reth 290.00 lekë të rinj dhe 80 paund.