Avokatja e Alma K, 40-vjeçarja e cila u shfaq në videon intime të Safet Gjicit në zyrën e bashkisë së Kukësit, ka folur sot për mediat. Alma ka kërkuar ndryshim mase, ndërsa seanca është shtyrë për një datë tjetër në mënyrë që Prokuroria të depozitojë të gjitha hetimet që janë kryer deri tani.
Në një dalje për mediat, avokatja tha se nuk ka asnjë qëndrim ndryshe nga klientja e saj megjithatë u shpreh se do të ketë të dhëna të reja në të ardhmen.
“Gjykata e ka shtyrë për një datë tjetër, ku Prokuroria do depozitojë të gjitha hetimet që janë bërë deri tani. Dhe duke parë provat do vendosë nëse do lerë arrestin në shtëpi ose do ndryshojë masë. Deri më tani janë të njëjtat të dhëna që janë paraqitur në organin e akuzës, mund që në të ardhmen të kemi qëndrim ndryshe. Mund të dalin të dhëna të reja që janë nën efekt të hetimit. Korrupsion aktiv nuk kemi, nuk ekziston. S’kemi bërë asnjë ndryshim deri tani”,-tha avokatja.