Socialistët fushatë me emigrantët në Greqi e Itali

Socialistët kanë vendosur të organizojnë strukturat e emigracionit, për të maksimalizuar votat e emigratëve në favor të tyre. Koordinatorët e emigracionit brenda vendit do të identifikojnë në kohë reale listën e emigrantëve në nivel bashkie, duke synuar vendndodhjen e tyre, për të organizuar takime në vendet ku ato punojnë. Disa muaj para zgjedhjeve socialistët do të zgjidhin cështjen e transportit.  Në Greqi socialistët do të zhvillojnë Asamblenë e PS-së në kryeqytetin helen. Koordinatorët e emigracionit në Shqipëri dhe Greqi do të evidentojnë problemet që lidhen me procesin e votimit të emigrantëve në Greqi. Në Itali po merren masa për funksionimin e grupeve të koordinimit. Para zgjedhjeve lokale Partia Socialiste do të mbajë një takim të zgjeruar me të gjithë koordinatorët e emigracionit në Tiranë. Sakaq gjatë qershorit takimet e koordinatorëve do të jenë të shpeshta për evidentuar emigrantët që do të vijnë në Shqipëri, për tu mundësuar atyre transportin. Për realizimin e qëllimit të tyre socialistët do të përdorin gjithashtu mjetet e komunikimit, telefonat, rrjetet sociale, gazetat, televizionet dhe takimet e ndryshme.