Shakira është larguar përfundimisht nga Barcelona, vendi ku jetoi disa vite me radhë për shkak të angazhimeve të futbollistit Gerard Pique, babait të fëmijëve të saj.
Por pas ndarjes me partnerin, ajo ka vendosur që të largohet së bashku me dy djemtë e saj për të nisur një jetë të re në Miami.
“Unë u vendosa në Barcelonë për t’u dhënë fëmijëve të mi stabilitet, gjë që tani po e kërkojmë në një cep tjetër të botës së bashku me familjen, miqtë dhe detin. Sot ne fillojmë një kapitull të ri në kërkim të lumturisë së tyre. Faleminderit të gjithëve që bënë sërf me mua në valët e Barcelonës, qyteti në të cilin mësova se miqësia është më e gjatë se dashuria. Faleminderit të gjithë atyre që më ndihmuan, më thanë lotët, më frymëzuan dhe më bënë të rritem. Faleminderit të gjithë fansave të mi spanjollë që më dhanë besnikërinë dhe dashurinë e tyre”, shkroi Shakira në Instagram.