Juisti Kreshnik Spahiu ishte këtë të martë i ftuar në emisionin “Now me Erla Mëhillin” për të folur rreth bashkimit të dy grupimeve demokrate, atij të Rithemelimit të drejtuar nga Sali Berisha dhe grupimit mbështetës të Gazment Bardhit.
Spahu tha se 37 deputetë nga ata 43 që ishin të pranishëm në mbledhje 2 vite më parë kanë votuar përjashtimin e Sali Berishës nga Partia Demokratike. Ai tha se bashkimi i grupit parlamentar do të ishte një lajm shumë i mirë, por këtë e zhbën prezenca e Berishës.
“Doja të sqaronim një moment ligjor shumë të rëndësishëm që lidhet sot me moralin politik, institucional dhe ligjor të këtyre 37 deputetëve të cilët kanë marrë dy vendime të rëndësishme juridike në shtator të 2021 dhe në 20 janar të 2022.
Vendimi i parë është përjashtimi i Sali Berishës nga Grupi parlamentar. Vendimi i dytë ishte përjashtimi i Berishës edhe si anëtar i partisë demokratike. Sali Berisha juridikisht figuron nga këta deputet i përjashtuar nga ajo parti. Sot bashkimi i grupit parlamentar është një lajm shumë i rëndësishëm, por të gjithën e zhbën prezenca e njeriut të përjashtuar”,- tha juristi Spahiu.