Përplasja mes bandave kriminale është zbërthyer nga SPAK, ku sipas hetimit kanë dalë në pah edhe aleanca mes bandave të ndryshme. Në zonën e Fushë-Krujës spikat aktiviteti kriminal i drejtuar nga Durim Bami, i cili ka patur një armiqësi me bandat e Ervis Martinaj dhe ish-deputetit të PS-së, Arben Ndoka.
Martinaj dhe Ndoka kanë kërkuar kokën e Bamit, duke iu ardhur në ndihmë nga paraburgimi edhe Emiljano Shullazi. Bami nga ana tjetër duket se ka lidhur aleancë me një bandë tjetër, të drejtuar nga Leonard Duka dhe Fatmir Hyseni, kundërshtarë të Martinaj dhe Ndokës.
Lexo edhe :
Related Posts
”Nga ana tjetër në zonën e Fushë Krujës spikat grupi kriminal i drejtuar nga shtetasi Durim Bami, i cili shfaqet në konflikt të hapur me grupet kriminale të drejtuara nga shtetasit Ervis Martinaj dhe Arben Ndoka. Grupi kriminal i drejtuar nga Durim Bami, bën aleancë me një grup kundërshtar të shtetasit Ervis Martinaj, dhe që drejtohet nga shtetasit Leoanard Duka dhe Fatmir Hyseni, persona me precedentë të theksuar kriminal me qëllim vrasjen e Ervis Martinajt dhe Arben Ndokës dhe anëtarëve të tjerë të këtyre grupeve kriminale”, thuhet në njoftimin e SPAK.