Të tjera detaje të reja kanë dalë në dritë nga plagosja e dyfishtë paraditen e ditës së sotme në lagjen Nr.3, para katedrales “Shën Luçia” në qytetin e Durrësit, pas një sherri me thika mes adoleshentëve.
Burime bëjnë me dije se protagonistë të ngjarjes kanë qenë dy djemtë e identifikuar si Xheson Metushi (18 vjeç), nga qyteti i Lushnjës dhe 19-vjeçari nga Durrësi, Bekim Gripshi.
Shkak për përplasjen midis të rinjve mësohet se ka qenë debat që ata kanë pasur në rrjetin social TikTok disa ditë më parë, ku kanë shkëmbyer mesazhe fyese dhe kanë lënë datën e sotme për t’u takuar dhe sqaruar mes tyre.
Debati ka nisur në rrjetin social “Tik-Tok” për një postim të bërë nga një prej tyre dhe fatkeqësisht përfundoi sot me përdorimin e kaçavidës dhe thikës nga dy djemtë që plagosën njëri-tjetrin.
Sipas dëshmitarëve, në vendngjarje kanë qenë 6 adoleshentë dhe pas një konflikti verbal, sherri ka degjeneruar deri në përplasjen fizike mes Metushit dhe Grifshit.
Pas plagosjes, njëri nga të rinjtë e ka hedhur kaçavidën në kazanin e plehrave, ku është gjetur nga specialistët e kriminalistikës. Ndërkohë thika që është përdorur nga një tjetër adoleshent nuk është gjetur ende.