Qindra studentë bllokuan ndërtesën e transmetuesit publik në Beograd. Protestat antiqeveritare në Serbi pritet të përshkallëzohen. Studentët kishin bllokuar ndërtesën të hënën vonë në mbrëmje.
Policia u përpoq t’i largonte ata, ndërsa turma u përpoq të bllokonte një hyrje në ndërtesë. Ata u mblodhën sërish sot dhe thanë se do të qëndronin të paktën 22 orë.
Një protestë e ngjashme u organizua në Novi Sad, qyteti i dytë më i madh i Serbisë.
Studentët kanë udhëhequr demonstratat dhe protestat që nga tragjedia në Novi Sad kur një çati e stacionit të trenit u shemb, duke vrarë 15 persona.
Ata pretendojnë se transmetuesi është në anën e presidentit Aleksandar Vuçiç dhe qeverisë.