Ministrja e Shëndetësisë, Ogerta Manasterliu nga Kuvendi ka komentuar nismën e qeverisë për kontratën 5-vjeçare për studentët, ku tha se kjo iniciativë synon që qytetarët të kenë shërbim shëndetësor.
Manasterliu tha se dhe rritja e numrit të kuotave të pranimeve në studime ka për qëllim që të kemi më shumë mjekë të specializuar.
“Kjo inciativë synon që shqiptarët të kenë shërbim mjekësor, që shërbimi të ecë paralelisht dhe ne të kemi burime njerëzore. Detyra jonë është të kujdesemi për shqiptarët. Në këtë luftë për burime njerëzore, sigurisht do të ndërtojmë instrumentet tanë, që s’është fare antikushtetuese.
Sepse këtë bën shteti, lehtëson profesionistët dhe u jep atyre punë. Ne rritëm pagat për sistemin shëndetësore zero në qeverisjen tuaj. Plani ecën në shumë drejtime, s’është në një. Kemi rritur kuotat në mjekësi, të kemi më shumë mjekë që specializohen në specialitete të veçanta”, tha ministrja.