Burrat duhet të ushtrohen gati dy herë më shumë se gratë për të pasur të njëjtat përfitime për zemrën. Në këtë përfundim ka dalë një studim i ri i botuar në revistën Nature Cardiovascular Research.
Sipas studiuesve, gratë përfitojnë më shumë nga aktiviteti fizik sesa burrat veçanërisht kur bëhet fjalë për shëndetin e zemrës.
Ata thonë se gratë që ushtrohen rreth 4 orë në javë mund të ulin rrezikun për të zhvilluar sëmundje koronare të zemrës me 30 %, ndërkohë burrave për të njëtin përfitim ju duhen 9 orë stërvitje në javë.
Gjithashtu ata kanë faktuar se edhe nivelet e ulëta të aktivitetit fizik sjellin përfitime. Vetëm 2.5 orë ushtrime të moderuara deri në intensive në javë mjaftojnë për të ulur rrezikun e sëmundjes koronare me 22 % tek gratë dhe 17 % tek burrat.
Në një kohë që aktiviteti fizik ndihmon për të mbajtuar zemrën të shëndetshme, tek personat që kanë probleme kardiake, aktiviteti fizik ndikon në jetëgjatësi.
Sipas të njëtit sudimgratë që kryejnë 51 minuta në javë ushtrime të moderuara deri në intensive kanë rrezik më të ulët vdekshmërie, ndërsa burrave sërish ju duhet më shumë punë. Për të njëtin përfimin ata duhet të ushtrohen rreth 85 minuta në javë.
Kjo do të thotë se, për të përfituar të njëjtin avantazh në mbijetesë, burrat duhet të ushtrohen rreth 1.7 herë më shumë se gratë.
Ekspertët kanë shpjeguar se përparësia biologjike e grave mund të lidhet me hormonin estrogjen dhe me strukturën e muskujve.
Gjithashtu ata thonë se gratë kanë më shumë fibra muskulore të qëndrueshme, ndërsa burrat kanë më shumë fibra për forcë dhe shpejtësi – gjë që mund të shpjegojë pse zemra e grave bëhet më e shëndetshme me më pak stërvitje.