Zgjimi herët në mëngjes duket diçka shumë e vështirë, sidomos në rastet kur rehatia që të ofron krevati dhe jastëku nuk kanë të krahasuar me botën përjashtë.
Sipas një studimi të fundit nga universiteti i Oksfordit, të gjithë ata që detyrohen të zgjohen para orës 10 të mëngjesit, demtojnë metabolizmin dhe mund të përkufizohet si një torturë për organizmin e njeriut.
Paul Kelley, hulumtues kryesor i studimit, zbuloi se kjo rutinë që jemi mësuar është forma moderne e torturës dhe se nevojiten ndryshime të mëdha sociale në mënyrë që orët e punës dhe të studimit të rregullohen nga ora trupore e njeriut, sepse kjo është ajo që kontrollon aktivitetin tonë të trurit, nivelet e energjisë, hormonet dhe perceptimin e kohës, duke na bërë të shëndetshëm dhe të gatshëm për të jetuar ditët tona me energji.
Kelley beson se ndryshimi i orarit të shkollës mund t’i ndihmojë studentët të rrisin performancën e tyre me 10% dhe kështu të përmirësojnë notat e tyre. Gjithashtu beson se në kompanitë ku punëtorët fillojnë të punojnë shumë herët, janë më të rrezikuar nga problemet shëndetësore sesa ata që zgjohen pas orës 10:00.
Janë të shumta të dhënat që tregojnë se shëndeti ynë do të ishte më i mirë nëse do të flinim ca orë më shumë në mëngjes.