Një studim i realizuar së fundmi ka zbuluar se një variant i mutuar i koronavirusit SARS-CoV-2 i cili tani mbizotëron në botë mund të jetë më infektues se versioni origjinal.
Një studim i bërë me më shumë se 5,000 pacientë të infektuar me Covid-19 në një spital në Houston, Texas , u zbulua se se 99.9 përqind e infeksioneve ishin shkaktuar nga ky version i ndryshuar i virusit, i quajtur D614G.
Gjetja i shton besueshmëri teorisë se mutacioni, i cili përbën 85 përqind të rasteve globale, është më ngjitës sesa lloji origjinal. D614G është larg nga lloji më i zakonshëm i koronavirusit që prek njerëzit në të gjithë botën dhe u shfaq për herë të parë në shkurt në Evropë.
Udhëtimet ndërkombëtare lejuan që ky variant të përhapet në të gjithë kontinentin dhe në Amerikat, Oqeaninë dhe Azinë brenda disa javësh. Shkencëtarët ende po përpiqen të përcaktojnë pse lloji D614G është bërë forma kryesore e SARS-CoV-2 dhe mendojnë se mund të jetë për shkak të mutacionit që rrit sasinë e virusit në traktin e sipërm respirator. Kjo e bën më të mundshme përhapjen kur personi i infektuar flet, kollitet ose teshtin.