Analisti, Artan Hoxha, thotë se gjithmonë i ka sugjeruar opozitës të hyjë në zgjedhje.
I ftuar në RTV Ora, Hoxha marrë shkas edhe nga zgjedhjet e 30 qershorit ku PS në shumicën e bashkive garoi e vetme, thotë se opozita për zgjedhjet e ardhshme duhet të përgatitet të garojë edhe me Ramën kryeministër, pse jo edhe ta mundë.
Hoxha u shpreh se: “Sugjerimi im për opozitën ka qenë gjithmonë që të hyjë në zgjedhje. Ka dy opsione, do të hysh në zgjedhje me këtë qeveri ose do ti bojkotosh derisa qeveria ti thërrasë mendjes dhe të shohë që vendi nuk mund të shkojë drejt zgjedhjeve të njëanshme partiake.E dyta nuk po ndodh, betejave nuk mund t’u shmangesh më me një objektiv të këtillë atëherë ndoshta duhet pranuar çdo lloj situate në zgjedhjet e ardhshme, qoftë edhe me Ramën kryeministër, mundësisht të mundet duke qenë Kryeministër. Ky do të ishte një sukses më spektakolar”.