Deputeti Dashnor Sula ka braktisur Partinë Demokratike për t’iu bashkuar partisë së Adriatik Lapajt, “Shqipëria Bëhet”. Lëvizja e tij ka sjellë reagimin e kryedemokratit Sali Berisha, i cili nga Elbasani u shpreh se Sula kishte bërë një zgjedhje të gabuar, por ende kishte kohë për ta reflektuar.
“Sa i përket deputetit që thatë ju, ai bëri zgjedhjen e tij, midis betejës në sheshin e burrave zgjodhi Tikun dhe shkoi në punën e vet, nuk kam çfarë të them bëri gabim por prapë ka kohë ta mendojë.”
Nga Elbasani, ku mori pjesë në festimet për Ditën e Verës, Berisha përsëriti thirrjen për qytetarët që më 11 maj të ndahen nga “regjimi që i ka varfëruar deri në palcë”. Ai premtoi se në tre muajt e parë të qeverisjes do të zbatohet “Paketa e Dhembshurisë”, që parashikon një minimum jetik prej 200 eurosh dhe pensione jo më pak se 200 euro.