Kryeministri i Kosovës, Albin Kurti ka reaguar për sulmin e ndodhur në komunën e Mitrovicës së Veriut, ku u hodhën 2 granata dore.
Kurti i bën thirrje që Serbia të ndërpresë urgjentisht nxitjet për dhunë në veri të vendit para se të ketë humbje jete.
“Mbrëmë ndërtesa e komunës në Mitrovicë është sulmuar nga 2 granata dore, duke shkaktuar dëme në veturat e afërta. Fatmirësisht asnjë person nuk u lëndua, por mund të kishte ndodhur lehtësisht. I bëj thirrje Serbisë që menjëherë të ndërpresë nxitjet për dhunë para se të humbasin jetë”, shkruan Kurti.