Përgatiteni këtë supë të shijshme, që veç shijes së posaçme, do t’iu dhurojë edhe ngrohtësi.
Selinon, ftoin, qepën dhe hudhrën qërojini dhe grijini trashë.
Në një tigan të thellë hidhni mjaftueshëm vaj dhe vendoseni atë në zjarr mesatar. Pastaj shtoni perimet e grira bashkë me të gjithë përbërësit e tjerë dhe buljonin e imtësuar.
Ziejini të gjitha në zjarr të ngadalshëm për 20 deri 25 minuta ose derisa të zbuten perimet.
Pasi të ketë ndodhur kjo, perimet mbulojini me ujë të vluar.
Mbylleni me kapak dhe vazhdojeni zierjen edhe për 20 apo 25 minuta të tjera.
Pastaj, supën bluajeni me ndihmën e një blenderi dore.