Voltana Ademi, kryetarja e Bashkisë së Shkodrës ngre alarmin për situatën kriminale në Shkodër. Në studion e emisionit “Open”, Ademi u shpreh se ajo është nën presionin e krimit, pavarësisht se nuk dha detaje konkrete.
“Po, jam nën presion e krimit. Nuk mund të jemi jashtë kontekstit. Në takimin që Zoti Basha pati në Malësi të Madhe, një qytetari i tha kemi frikë të shkojmë në kafe. Krimi eshtë prezent dhe ushtron presion ne çdo hallkë të institucioneve publike. Ne Shkodër janë ndërruar punonjës te administratës sepse janë urdhëruar nga krimi, jo të Partisë Demokratike, por të mazhorancës”, sqaroi Ademi.
“Krimi ndoshta nuk vjen te kryetari, por edhe në hallka të tjera. Ne nuk jemi ishull i pavarur. Ka persona (i referohet drejtuesve të institucioneve) që janë dhunuar fizikisht”, shtoi ajo.