I ftuar në emisionin ‘A Show’ në News24, publicisti Veton Surroi ka analizuar ndër të tjera edhe figurat e udhëheqësve në Kosovë.
Veton Surroi tha se presidenti Hashim Thaçi ndjek vetëm interesin e tij personal dhe është i paditur, ndërsa kryeministrin Ramush Haradinaj e konsideroi si person me inteligjencë natyrale.
Këto pohime të Surroit shkojnë kundër marrëdhënieve të Kryeministrit Rama me dy liderët kryesorë të Kosovës.
“Ai ndjek interesin personal dhe nuk njeh skrupuj për të ndjekur këtë interes personal. Ai është i paditur dhe me atë mos dije ka krijuar atë karrierë politike. Është i paditur në kuptimin e ndërtimit. Njeriu mund të jetë i ditur për të thyer një mur me matrapik, por duhet të jetë i ditur edhe për të ndërtuar murin. Ai është i ditur për thyer dhe për të penguar. Albin Kurti është larg njohurive që ka Hashim Thaçi. Ramush Haradanaj ka një inteligjencë natyrore dhe aftësi për të mbledhur informata”- tha Surroi.