Sekretari amerikan i Shtetit, Marco Rubio, deklaroi sot se Shtetet e Bashkuara synojnë të krijojnë një prani të përhershme diplomatike në Venezuelë në të ardhmen e afërt, disa javë pas arrestimit të presidentit Nicolás Maduro, pas një ndërhyrjeje ushtarake amerikane në Karakas.
“Ne kemi një ekip në terren që po vlerëson situatën dhe besojmë se mund të hapim një mision diplomatik amerikan së shpejti, gjë që do të na lejojë të marrim informacion në kohë reale dhe të ndërveprojmë drejtpërdrejt”, tha Rubio gjatë një seance dëgjimore në Komisionin për Marrëdhënie me Jashtë të Senatit amerikan.
Rubio theksoi gjithashtu se SHBA-të kanë vendosur një linjë komunikimi ‘respektuese dhe produktive’ me drejtuesit e përkohshëm të Venezuelës.
Arrestimi i Nicolás Maduro
Presidenti socialist i Venezuelës, Nicolás Maduro, u arrestua së bashku me bashkëshorten e tij më 3 janar, gjatë një operacioni të bujshëm ushtarak amerikan në Karakas. Ai u transferua dhe u paraburgos në Nju Jork, ku autoritetet amerikane synojnë ta gjykojnë për akuza që lidhen me trafikun e drogës.
Më 5 shkurt, ish-zëvendëspresidentja e Maduron u betua si presidente e përkohshme e vendit, pasi presidenti amerikan Donald Trump deklaroi se Uashingtoni do të “diktojë vendimmarrjen” në Venezuelë deri në një njoftim të dytë.