Pas një ore e gjysmë, Rama ka dalë nga selia rozë, ku zhvilloi takimin me deputetët socialistë. Takimi nisi në orën 18:00, dhe përfundoi rreth orës 19:30. Mësohet se në fokus të këtij takimi ka qenë ‘formula e re’, se si tre socialistët e caktuar nga kryeministri Edi Rama, Elisa Spiropali, Ervin Bushati, dhe Erjon Veliaj do ta drejtojnë Tiranën.Drejtues politik për Bashkinë Tiranë do të jetë Erion Veliaj ndërkohë që kryetari i Partisë Socialiste për Tiranën do të jetë Ervin Bushati ndërsa përgjegjësia politike Elisa Spiropali do të jetë drejtuese politike për Bashkitë Rrogozhinë, Vorë, Kamëz dhe Kavajë. Gjithashtu, bëhet me dije se Rama ka këmbëngulur në porositë e dhëna dy ditë më parë në Elbasan.
Gjithashtu, është diskutuar edhe çështja për shtimin e 1 ose dy deputetëve në qarkun e Tiranës, për shkak se Qarkut të Dibrës i largohet një deputet. Edhe në qarkun e Gjirokastrës diskutohet për largimin e një deputeti. Rama u mblodh sot kokë më kokë me kryebashkiakët të cilëve u caktoi se synimi i qartë është arritja e 800 mijë votave. Ndërkohë, propozimi për çdo drejtor rajonal, sipas Ramës, do të kalojë nga zv/kryeministri Erion Braçe.