Një grup i Drejtorisë së Përgjithshme të Burgjeve dhe përfaqësues të Avokatit të Popullit kanë hyrë në ambientet e burgut të Peqinit për të zhvilluar një takim me një grup të dënuarish që kanë hyrë në grevë.
Takimi vjen disa ditë pasi më shumë se 100 të dënuar në burgun e sigurisë së lartë janë futur në grevë urie, pasi kërkojnë amnisti dhe rishikim të dënimeve.
Për të arritur qëllimin e tyre, të burgosurit i kanë dërguar një letër presidentit Ilir Meta, kryeministrit Edi Rama, kryeparlamentarit Gramoz Ruçi dhe ministres së Drejtësisë, Etilda Gjonajt.
Të dënuarit e burgut të Peqinit kërkojnë që dënimet e tyre të përgjysmohen dhe dënimet përjetë të konvertohen në 20 vite.