Kryeministri Edi Rama është pyetur se përse nuk e propozoi Fatmir Xhafajn në asnjë post të rëndësishëm, përveç atij të anëtarit të Kryesisë, ndonëse arriti të thyejë hersin e votave në Tiranë.
Gazetarja Erla Mëhilli i përmendi Ramës në emisionin “Opinion” edhe largimin e Etilda Gjonajt nga posti i Ministres së Drejtësisë, duke i kujtuar se Gjonaj ishte prurrje e Xhafajt.
Por pas batutës me Mëhillin, Rama e ka tejkaluar pyetjen duke thënë se “janë vetëm fjalë”.
Pjesë nga debati:
Erla Mëhilli: Xhafa theu hersin, si nuk e morët në konsideratë?
Rama: Ishte i propozuar i kryesisë.
Mëhilli: Po ministrja Gjonaj që është prurje e Xhafajt?
Rama: Që do të thotë.
Mëhilli: Se të gjithë e dinë që nuk keni simpati për të.
Rama: Me që ra fjala, komplimente për punën e re, por këto janë fjalë pa lidhje.