Një sulm me armë zjarri ka ndodhur këtë mbrëmje në Plymouth të Anglisë, dyshohet se janë shkakuar pesë viktima.
Lajmin e bëjnë me dije mediat britanike, të cilat ende nuk e kanë konfirmuar numrin e saktë të jetëve të humbura apo të të plagosurve.
Gjithashtu raportohet se autori është qëlluar, por nuk dihet nëse është vetëvrarë apo është qëlluar nga policia.
Shërbimet e urgjencës janë në vendin e ngjarjes në Keyham, ku ka pasur raportime të pakonfirmuara për të shtëna me armë dhe për një numër viktimash.
Johnny Mercer, një deputet konservator lokal, me një postim në Twitter tha se nuk është një sulm terrorist, por është një ngjarje tragjike dhe e rëndë.