Të shtëna me armë zjarri janë regjistruar në Kamëz. Dy persona janë konfliktuar me njëri-tjetrin dhe njëri prej tyre ka qëlluar. Sipas raportimeve, personi tjetër ka mbetur i plagosur në këmbë.
“Rreth orës 13:55, në Kamëz, dyshohet se si pasojë e një konflikti të çastit, është plagosur në këmbë dyshohet me armë zjarri shtetasi M.Xh, rreth 25 vjeç, i cili ndodhet në spital, nën kujdesin e mjekëve”, njoftoi policia lokale.
Shërbimet e Policisë kanë mbërritur në vendngjarje dhe po bëjnë krehjen e zonës me qëllimin identifikimin e kapjen e autorit. Grupi hetimor po punon për sqarimin e rrethanave të ngjarjes dhe dokumentimin e plotë të saj.