Të shtëna me armë zjarri janë raportuar pak më parë nga qyteti i Fierit.
Paraprakisht nuk dihet nëse ka persona të lënduar, ndërkohë që është raportuar dhe për një makinë me targa false, e cila ka shpërthyer në flakë.
Makina e djegur është e tipit BMË, kurse targat e saj i përkasin një makine tjetër tip Renault.
Mjeti i djegur është gjetur në lagjen ‘Afrimi i ri’ ndërsa Policia ka mbërritur menjëherë në vendngjarje.
Njoftimi i policisë:
Informacion paraprak
Në datën 03.04.2019, në lagjen “1 Maji” Fier, në afërsi të vendit të quajtur “Kryqëzimi i Parkut”, persona ende të paidentifikuar duke udhëtuar me një mjet tip “BMV” kanë qëlluar me armë zjarri drejt një subjekti tregëtar (pjesë këmbimi të makinave).
Më pas, mjetit tip “BMV” i është vënë zjarri në rrugën Fier- Seman, në vendin e quajtur “Kryqëzimi i shinave të trenit”.
Në vendnngjarje kanë shkuar shërbimet e policisë dhe shërbimi zjarrfikës për shuarjen e zjarrit.
Eshtë ngritur grupi hetimor dhe po punon për zbardhjen e plotë të kësaj ngjarje, identifikimin dhe kapjen e autorëve.