Personi i cili qëlloi mbrëmjen e djeshme me armë zjarrinë Kamëz është ende në arrati pasi policia nuk ka mundur ende ta identifikojë.
Policia thotë se ai ishte ulur pas në një motomjet dhe ka qëlluar me armë zjarri në drejtim të automjeteve të parkuara, për pasojë, dy automjete kanë pësuar dëmtime.
Shërbimet e Policisë janë vënë në ndjekje të autorit të dyshuar. Grupi hetimor nën drejtimin e Prokurorisë, vijon punën për zbardhjen dhe dokumentimin e plotë të rrethanave të ngjarjes, si dhe për identifikimin e kapjen e autorit/ëve.