Udhëheqësi i opozitës ruse Alexei Navalny, me anë të një postimi në ‘Twitter’ ka deklaruar se është dërguar nga qelia e tij drejt e në izolim.
Navalny tha se ai ishte vendosur në izolim pas përpjekjeve të tij për të krijuar një lëvizje në burg kundër Kremlinit.
Navalny kishte vuajtur dy vjet e gjysmë për shkeljen e lirimit me kusht për akuzat e vjetra të mashtrimit, por në mars 2022, burgimi i tij u zgjat në nëntë vjet pasi ai u shpall fajtor për përvetësim.
Navalny dhe aleatët e tij thonë se akuzat janë të motivuara politikisht. Në vitin 2020, Navalny i mbijetoi një helmimit me Novichok, një agjent nervor i shkallës ushtarake të dizajnuar nga sovjetikët. Ai ka akuzuar autoritetet ruse, por Kremlini ka mohuar çdo përfshirje.
