Një ngjarje e rëndë ka shqetësuar opinionin publik në Greqi. Një 37-vjeçar shqiptar përfundoi në prangat e policisë në shtetin fqinj, kjo pasi tentoi që të rrëmbente tre fëmijë. Ngjarja ndodhi të dielën e Pashkës, në perëndim të vendit.
Pasdite shqiptari tentoi të fuste me forcë tre fëmijë, dy vëllezër 9 e 13 vjeç dhe një djalë tjetër 10 vjeç, në makinën e tij në rrugë rurale.
Prindërit e fëmijëve bënë ankesë në polici dhe autoritetet nisën menjëherë një kërkim. Kur pikasën mjetin e shqiptarit, ata i bënë shenjë të ndalojë, por ai u arratis.
Ai u ndalua pas një ndjekjeje prej 20 minutash. Nga testi i alkoolit rezultoi se kishte nivel shumë të lartë në gjak, duke regjistruar 0.56 dhe 0.54 gramë për litër.
Ndaj 37-vjeçarit rëndojnë disa akuza, që nga tentativë rrëmbimi, shkelje të qarkullimit rrugor dhe rezistencë ndaj arrestimi.