Kanë tentuar të kalojnë Vjosën por njëra prej tyre nuk ka mundur të dalë dot e gjallë. Ngjarja e rëndë është shënuar në afërsi të fshatit Dragot të Tepelenës, ku E.B dhe S. SH kanë tentuar të kalojnë shkurt përmes lumit, por i ka rrëmbyer rrjedha e ujit.
Mësohet se një prej tyre E.B., 50 vjeçe ka ndërruar jetë ndërsa është transportuar për në Gjirokastër S. SH.
Informacion paraprak i policisë
Në lumin Vjosë, pranë fshatit Dragot, bashkia Tepelenë, shtetaset E.B. dhe S.Sh. të dyja banuese në Këlcyrë, duke kaluar lumin, i ka rrëmbyer rrjedha e ujit.
Për pasojë shtetasja E.B. ka ndërruar jetë ndërsa shtetasja S.Sh. është transportuar për në spitalin Rajonal Gjirokastër.