Arnold Azizolli dhe Amarildo Dule, janë dy 30-vjeçarët që janë shpallur në kërkim nga policia. Dy personat janë të dyshuarit kryesorë si autorët e atentatit të mbrëmjës së djeshme ndaj 24-vjeçarit Tajar Fetiu. Policia me anë të një njoftimi zyrtar raporton se dy personat janë banues në Berat. Ata të dy plagosën me armë zjarri Fetiun në rrugën “Xhamia e Sahatit”. I riu ndodhet në spitalin e Traumës në Tiranë, pasi ka marër dy plumba.
NJOFTIMI:
Zbardhet ngjarja e ndodhur mbrëmjen e djeshme, ku mbeti i plagosur 24-vjeçari.Shpallen në kërkim dy shtetasit e dyshuar të përfshirë në këtë ngjarje.Falë veprimeve të shpejta hetimore të kryera nga strukturat hetimore të DVP Berat në bashkëpunim me Prokurorinë e Rrethit Gjyqësor Berat, u bë e mundur identifikimi dhe shpallja në kërkim e shtetasve:Arnold Azizolli, 30 vjeç dhe Amarildo Dule, 30 vjeç, të dy banues në Berat.Shpallja në kërkim e këtyre shtetasve u bë pasi mbrëmjen e djeshme, në lagjen “Dëshmorët e Kombit”, në rrugën “Xhamia e Sahatit” kanë plagosur me armë zjarri shtetasin Tajar Fetiu, 24 vjeç, banues në Berat.Materialet i kaluan Prokurorisë së Rrethit Gjyqësor Berat, për veprime të mëtejshme.