5 kandidatë për kryebashkiakë të PD-së janë tërhequr nga gara e zgjedhjeve të 14 majit, ndërsa një tjetër nuk u regjistrua në KQZ.
Oerd Bylykbashi u shpreh se tërheqja e kandidatëve është një shenjë që flluska e ngritur nga Enkelejd Alibeaj nuk mbështetet nga demokratët.
“Ju e keni vënë re se si po tërhiqen një nga një kandidatët e Bashës dhe të Alibeajt sepse janë demokratë nga ana tjetër. Shpeshherë e kuptojnë barrën e madhe ndaj demokratëve me të cilët kanë punuar, i kanë mbështetur, kështu që e kuptojnë shumë mirë që betejën e kemi të gjithë bashkë për të luftuar pushtetin vendor të Tiranës. E gjithë ajo flluskë që ata u përpoqën të ngrinin është shenjë e qartë që as deputetët e bazës nuk e mbështesin. Kemi një numër personazhesh me vlerë që e kanë gjykuar të drejtë tashmë që të mos krijojnë ndasi. Po kështu tashmë ne kemi kandidatin që u tërhoq dhe në Krujë, ndërkohë që sot prezantohet kandidati i vetëm që ka opozita për Bashkinë e Krujës.
Unë gjykoj që do të tërhiqen të gjithë kandidatët. Duhen duartrokitur se janë gjeste individuale apo në grup të cilët ndihmojnë shanset e demokratëve për të ardhur në pushtetin vendor apo për të qeverisur ndryshe. Alibeaj nuk mund të kandidojë as në të gjitha bashkitë se situata është e tillë, nuk ka njerëz as për komisione. Demokratët janë me zemër për të mbështetur ata që janë kandidatët fitues”, theksoi ai.