Rreth orës 03:35 të mëngjesit, lëkundjet e forta të tërmetit në Napoli të Italisë, nxorrën në rrugë banorët që ishin në panik. Tërmeti ka pasur magnitudë 4.2 ballë të shkallës Rihter dhe thellësi fokale rreth 3 km, por fatmirësisht nuk ka dëme në njerëz apo materiale.
Sipas mediave italiane në Fuorigrotta, Vomero, Riviera di Chiaia dhe Capodimonte shumë u zgjuan nga lëkundjet e tokës që zgjatën disa sekonda, si dhe nga sirenat e alarmit që hynë në veprim.
Shumë njerëz dolën në rrugë, ndërsa sipas mediave italiane ky është një ndër tërmetet më të fortë të regjistruar në zonë në 39 vitet e fundit.