Policia e Lezhës ka arrestuar këtë të shtunë një 32-vjeçar, pasi akuzohet për armëmbajtje pa leje.
Bëhet fjalë për të riun Alred Paci, banues në Spiten. Ky shtetas qëlloi në ajër me armët e zjarrit të cilat i kishte pa leje, duke shkaktuar panik tek banorët.
“Vihet në pranga një 32-vjeçar që posedonte pa leje, 2 armë zjarri (kallashnikov dhe pistoletë), të cilat janë sekuestruar në cilësinë e provës materiale. Në vijim të punës për parandalimin e ngjarjeve kriminale, si dhe për identifikimin dhe kapjen e shtetasve që posedojnë armë, në mënyrë të kundërligjshme, shërbimet e Policisë, mbështetur me inteligjencë informative se një shtetas mbante në banesë, armë zjarri pa leje dhe qëllonte në ajër, me to, kanë finalizuar operacionin policor të koduar “Spiten”, si rezultat i të cilit është arrestuar në flagrancë shtetasi: -A. P., 32 vjeç, banues në Spiten, për veprën penale “Mbajtja pa leje e armëve, armëve luftarake dhe municionit” dhe “Prishja e rendit dhe e qetësisë publike”, thuhet në njoftimin e policisë.