Zyrtar i komunikimit në AUVK, Lamir Thaçi në emisionin ‘’Alert’’ u shpreh se menëjherë pas raportimit të lajmit se në Shqipëri ishte futur mish me salmonelë, u morën të gjitha masat dhe pas hulumtimeve nuk kishte ndonjë lidhshmëri të rastit në Shqipëri me ato në Kosovë.
Thaçi: Kjo si incident lindi nga raportimi i mediave në Shqipëri.
Dhe menjëherë edhe konsumatori kosovar e ndjeu një shqetësim dhe me të drejtë ne duhej të vepronim.
Dhe nga dita e parë e raportimit në Shqipëri ne kemi filluar masat ekzekutive fillimisht ligjore duke gjurmuar situatën se mos kemi ndonjë lidhshmëri të incidentit në Shqipëri me produket që gjendeshin në Kosovë.
Nga hulumtimi që bëmë u konfirmua se asnjë dërgesë nuk ishte reeksportuar nga Shqipëria në Kosovë dhe lidhshmëria e incidentit u eliminua.
Sigurisht që karshi konsumatorit ne do duhej të ofronim edhe fakte shtesë.