Gazeta më e madhe britanike ”The Times” udhëtoi drejt vendit tonë. Kryeministri Edi Rama ndau sot këtë artikull në rrjetet sociale, duke theksuar se ai pasqyron Shqipërinë e vitit 2025 përmes një udhëtimi mes peizazheve të egra, përpjekjeve për të ndërtuar një turizëm cilësor dhe përmbushjes së standardeve moderne.
Kjo midis peizazheve të egra, vendosmërisë për të zhvilluar një turizëm cilësor dhe me standarde, Gjirokastrës ku midis rrugicave të ngushta e gurëve e historisë shekullore befason një jetë plot vitalitet dhe bashkëjetesë perfekte mes turistëve, tregtarëve, gurgdhendësve, artizanëve e banorëve, por edhe siteve të UNESCO e qyteteve si Pogradeci ku mund të përjetosh një anë vërtet autentike të Shqipërisë.
”Artikulli ndalet në Gjirokastër, ku rrugicat me kalldrëm dhe trashëgimia historike bashkëjetojnë me një atmosferë të gjallë dhe dinamike, ku turistët, tregtarët, gurgdhendësit, artizanët dhe banorët vendas krijojnë një harmoni të rrallë. Po ashtu përmenden edhe zona të mbrojtura nga UNESCO dhe qytete si Pogradeci, që ofrojnë një përjetim autentik të Shqipërisë”,-shtoi Rama.
Autorja e artikullit, Laura Sanders u bën thirrje lexuesve britanikë të eksplorojnë jugun e Shqipërisë, duke zbuluar thesare të fshehura dhe pamje piktoreske. Ajo shkruan se ndonëse plazhet e Rivierës Shqiptare po tërheqin gjithnjë e më shumë vizitorë, udhëtarët që zgjedhin të shkojnë më në thellësi të vendit do të gjejnë fshatra të qetë, lumenj të paprekur dhe aventura unike.