Mediat rozë po ziejnë prej ditësh me lajmin e ndarjes së Stresit dhe Kejsit dhe janë gjithë sy e vesh në profilet e tyre në rrjetet sociale për të zbuluar diçka më shumë, teksa vetë protagonistët e lajmit nuk janë shprehur ende.
Pak ditë më parë Stresi publikoi në Instagram një video ku shfaqej i rrethuar nga vajza dhe herë pas here ata postojnë statuse me kunja për njëri-tjetrin. Por fotoja e fundit që ka publikuar Kejsi pak minuta më parë në Instagram sapo na bëri lëmsh të gjithëve.
Kejsi ka hedhur një story ku shfaqet mjaft simpatike dhe në sy bie varësja që ajo mban në qafë. Bukuroshja mban të varur një varse floriri me inicialin “A” që lidhet me emrin e vërtetë të Stresit, Arkimed.
Nuk dihet nëse Kejsi ka dikë tjetër të rëndësishëm në jetë e saj me këtë inicial, apo e mban për Stresin dhe ata vazhdojnë historinë e tyre të dashurisë!
