Një tjetër aksident ka ndodhur sot në aksin rrugor Korçë-Pogradec. Drejtuesi i motorit humbi kontrollin e mjetit në afërsi të Bulgarecit dhe u përplas me barrierat anësore të rrugës.
Ai mësohet se ka marrë dëmtime të rënda në trup dhe është dërguar në gjendje të rëndë për jetën drejt spitalit të Korçës. Në vendin e ngjarjes ndodhet aktualisht policia, e cila ka nisur punën për zbardhjen e rrethanave të aksidentit.
Më herët, po në të njëjtin aks, Korçë-Pogradec, ndodhën edhe 2 aksidente të tjera.