Pas daljes së saj nga shtëpia e ”Big Brother Albania Vip 4”, Egli Tako u afrua menjëherë me Fifin dhe dyshja u bë e pandarë. Vajzat nisën bashkëpunimin e parë muzikor dhe projektet e tyre dolën shpejt në publik, duke marrë vëmendjen e mediave dhe fansave. Por jo shumë kohë më pas, ndodhi e papritura.
Këngët “2n1” u fshinë nga Fifi, për t’u rikthyer disa ditë më vonë, pas një buje të madhe mediatike. Në reagimet e saj për Fifin, Egli u shpreh me tone të kujdesshme dhe pa polemika të hapura. Megjithatë, duket se marrëdhënia mes tyre ka marrë fund përfundimisht.
Ato nuk e ndjekin më njëra-tjetrën në Instagram, pavarësisht se për një kohë të gjatë e kishin mbajtur “follow”-in edhe pas krisjes së raporteve. Siç do ta përmbyllte Gjesti, “mes tyre tashmë u kry çdo sen”.