Ngjarja mëngjesin e sotëm në fshatin Vagalat të Tepelenës, ku një 53-vjeçare u gjet e pajetë në shtëpinë e saj ka detaje tronditëse.
Ka qenë bashkëshorti i Antonetës, Skënder Hoxha ai i cili deklaroi fillimisht se gjeti të shoqen të pajetë dhe me shenja dhune. Por gjatë marrjes në pyetje në polici 63-vjeçari ka pranuar autorësinë e krimit.
Çifti jetonte i vetëm, dhe mësohet se Hoxha nuk ka dhënë arsye për veprimin makabër. Ai e ka vrarë të shoqen me sopatë. Të ndjerës iu konstatuan plagë në kokë dhe në krahun e majtë.
NJOFTIMI I POLICISË
Zbardhet ngjarja e ndodhur në fshatin Vagalat në Tepelenë.
Arrestohet në flagrancë 63 vjeçari pasi vrau bashkëshorten.
Pas njoftimit të marrë se shtetasja A.H., banuese në fshatin Vagalat, Bashkia Memaliaj, u gjet nga familjarët e pajetë në banesë, me dëmtime në kokë, menjëherë u ngrit grupi hetimor ku në bashkëpunim Prokurorinë kryen veprimet e para procedurale.
Në përfundim të veprimeve të para hetimore, Specialistët e Stacionit të Policisë Memaliaj nën drejtimin e Prokurorisë së Rrethit Gjyqësor Gjirokastër bënë arrestimi në flagrancë të shtetasit S.H., 63 vjeç, i cili ka vrarë bashkëshorten e tij, shtetasen A.H., 53 vjeçe.
Materialet i kaluan Prokurorisë për hetime të mëtejshme.