Ja cilat janë shenjat që nëse bëhen çift, askush dhe asgjë nuk mund t’i ndajë dot më.
1.Luani dhe Peshorja: Luani është “pushtues” tipik që ndonjëherë i bën partneret të mërziten dhe të mos e durojnë dot, por i kombinuar me një Peshore, ai sillet tërësisht ndryshe. Luanët nga triumfues dhe ‘’pa ndjenja’’, shndërrohen në mbrojtësit më të mirë, madje shndërrimi i tyre shkon deri në atë pikë që të harrojnë nevojat e tyre vetëm që t’i përkushtohen Peshores. Ndërkohë nga ana tjetër, Peshorja i fal Luanit dashurinë e vërtetë, të pakushtëzuar dhe gjithëpërfshirëse për të cilën ka nevojë.
2.Peshqit dhe Gaforrja
Duke qenë se njihen si dy shenjat më emocionale dhe intuitive të zodiakut, Peshqit dhe Gaforrja kuptohen mirë. Së bashku, ata humbasin në atë botën e tyre të çuditshme të vogël dhe gjejnë një ndjenjë lumturie, vetëm duke ditur që janë kuptuar. Tërheqja mes tyre është e menjëhershme dhe e pamohueshme. Gaforrja dhe Peshqit qëndrojnë shumë mirë së bashku sepse ekuilibrojnë njëri-tjetrin. Gaforrja është sensori dhe këmba në tokë, peshqit janë krijues dhe intuitivë. Ata e kuptojnë ndjeshmërinë ndaj njëri-tjetrit dhe priren të shfaqin shumë interes reciprok menjëherë.
3.Shigjetari dhe Dashi
Kur një Shigjetar dhe një Dash janë bashkë, aventura është e pashmangshme. Të dyve u pëlqejnë mendimet e njëri-tjetrit, planifikojnë udhëtime dhe diskutojnë çdo fakt të çuditshëm rreth universit.
Të dy janë shpirtra binjakë intelektualë që kanë gjetur njëri-tjetrin, respektojnë njëri-tjetrin dhe kanë një marrëdhënie të mrekullueshme. Dashi dhe Shigjetari janë mendimtarë dhe individualistë. Të dy janë të pavarur dhe të fortë. Të dy e admirojnë këtë cilësi tek njerëzit e tjerë dhe e krijojnë atë lloj lidhjeje të veçantë. Nëse janë të përfshirë romantikisht, padyshim që kanë për të qenë miq të mirë.