Presidenti Donald Trump ka vendosur që të ndryshojë politikën e SHBA-së nëpër botë. Sipas tij, Amerika “nuk mund të jenë më polici i botës”. Deklarata u bë në bazën ajrore amerikane Al-Asad në provincën perëndimore irakiane, Anbar.
“Ne nuk duam më të shfrytëzohemi nga vende, që na përdorin ne dhe ushtrinë tonë të mrekullueshme për t’u mbrojtur. Ata nuk paguajnë për këtë. Nuk është e drejtë, që Shtetet e Bashkuara ta mbajnë këtë barrë të vetme. Ne jemi të shpërndarë në të gjithë botën. Jemi në vende, për emrin e të cilave shumica e njerëzve as që nuk kanë dëgjuar ndonjëherë. Të them të vërtetën kjo është qesharake”, deklaroi Trump.
Trump bëri një vizitë të papritur të mërkurën bashkë me bashkëshorten, Melania, te trupat amerikane në Irak. Kjo ishte vizita e parë që nga marrja e postit të presidentit para dy vjetësh. Zëdhënësja e Trump-it, Sarah Sanders u shpreh: “Presidenti dhe Zonja e Parë vizituan trupat në Irak për t’i falënderuar për angazhimin e tyre, suksesin dhe sakrificën e për t’u uruar ‘Gëzuar Krishtlindjet’”.
Donald Trump mendon të reduktojë ndjeshëm praninë amerikane në Afganistan. Më shumë se 5000 nga 14.000 trupat amerikane në Afganistan do të kthehen në shtëpi.